| website languages: |
|---|
|
| НОВЫЯ ТВОРЫ БЕЛАРУСКАГА МАСТАКА ЯЎГЕНА ШАТОХІНА |
|
| Sunday, 14 December 2008 | |
|
14 сьнежня 2008году, ў Беларускім музэі па адрасе 401 Atlantyk Ave., Brooklyn, N.Y., працягвае працаваць пэрсанальная выстава Беларускага Яўгена Шатохіна "Мая і твая Беларусь", куды дадаліся новыя творы мастака. Гэта малюнкі зробленыя пад час яго побыту ў Нью-Ёрку. Менавіта ў Нью-Ёрку распачата новая нізка пад умоўнай назвай "Беларуская Амэрыка". Мясьціны звязаныя зь імям Тадэвушка Касьцюшкі – гэта ёсьць лейтматыў новых твораў Яўгена Шатохіна. Трапілі ў экспазыцыю некалькі партрэтаў дзеячоў сучаснай эміграцыі. Таксама экспануецца адзін з варыянтаў партрэта КанстанцінаАстрожскага (Ворша.Ноч перад бітвай), над якім мастак працуе не першы год.
Сам мастак адзначае працы зробленыя ў Амэрыцы, як сабраны матэрыял для будучай працы ў Беларусі, куды ён вяртаецца напрыканцы бягучага года. Сваеасабовы "пленер" праведзены ў Амэрыцы, быў вельмі выніковым. Зроблены добры пачатак будучай працы. "Што атрымаецца надалей – пакажа час" – кажа сам Яўген Шатохін. На Амэрыканскім кантынэнце гэта першая выстава Яўгена Шатохіна.
www.belmuseum.org |
| < Папяр. | Наст. > |
|---|
