| website languages: |
|---|
|
| Smaliavichy.org: Два гады існавання! Два гады працы! |
|
| Friday, 13 March 2009 | |
|
Гэта вялікі тэрмін для нас! Самыя дапытлівыя сябры праекту закідалі нас пытаннямі. ЯК усё пачыналася? Мала хто з нас можа аднавіць у памяці, як гэта пачыналася! Узгадваецца толькі зіма 2007...Пачыналася ўсё з ідэі, а потым наша воля вяла нас па правільнаму шляху: хутка ўбачылі на моладзевым сайце банэр "Зрабі беларускі сайт" і, націснуўшчы на яго, апынуліся на старонцы Беларускага моладзевага руху Амерыкі. Гэта сайт беларусаў, якія альбо ў свой час выехалі ў Амерыку на сталае месца жыхарства, альбо ўжо нарадзіліся там. Яны патрыёты сваёй Радзімы, якія пры магчымасці дапамагаюць сваёй Беларусі. Яны абралі свой шлях і спрыяюць усім жадаючым ствараць беларускія сайты, набываючы хостынг і дамены.
Такім чынам, мы звязаліся з імі і патлумачылі свае ідэі. Беларусы з Амерыкі пагадзіліся нам дапамагчы і прыдбалі для нас дамен і хостынг, якімі мы карыстаемся дагэтуль. Як апынулася – гэта быў самы першы і самы лёгкі крок на шляху стварэння парталу. Шмат часу спатрэбілася на тое, каб напоўніць партал карыснай і практычнай інфармацыяй, гісторыяй, фотаздымкамі і інш. Колькі начэй мы не спалі, каб запусціць наш Інтернет-рэсурс?! Але стогны стомленнасці мінулі, калі мы ўбачылі вынік нашых намаганняў. Улетку 2007 года каманда запусціла больш-менш актыўны партал. Хаця, нашая старонка з'явілася ў інтэрнэце ўжо ў сакавіку, аднак без рэкламы траплялі на яе толькі каманда і нашыя блізкія. Але паступова партал пачаў набіраць папулярнасць! Трэба адзначыць, што не адразу ўсё рабілася і робіцца імгненна і выбітна. Можна сказаць, што і ў дадзены момант партал няспынна развіваецца і мяняецца не без вашай дапамогі. Мы заўжды мусім крочыць разам з развіццём Інтернет-тэхналогій, таму выгляд парталу і яго насычанасць рэгулярна мяняецца. ХТО нашы наведвальнікі? Спачатку аудыторыя парталу была 3 чалавека ў суткі. Прайшло два гады і наведвальнасць перакрочыла за 60 чалавек у суткі (праўда не кожны дзень). У сярэднім жа на наш партал заходзяць 35 асобаў штодзень. Для нас гэта дасягненне, але не ідэал! Мы намагаемся прыцягнуць увагу як мага большай аўдыторыі, але ж наш партал не адзіны ў Смалявічах, хаця па папулярнасці мы абагналі ўсіх сваіх "Канкурэнтаў" :) Мы не сбочым з пераможнай сцежкі і спадзяемся на вашу падтрымку! За апошні час наш партал наведалі інтэрнэт-карыстальнікі з 103 гарадоў 30 краінаў свету!!! А ці гэта не добры паказчык для рэгіянальнага парталу?! Вось гэтыя краіны і гарады: 1. Беларусь: Мінск, Мінская вобласць, Віцебск, Наваполацк, Бабруйск; ШТО далей? А далей мусім збіраць для вас больш актуальнай, практычнай і разнастайнай інфармацыі. Мы плануем ладзіць яшчэ больш розных акцый і конкурсаў, каб адчувалася пастаянная "двіжуха" нашага праекта. І разлічваем на большы інтэрактыў ад нашых наведвальнікаў. Мы мусім узнагароджваць самых актыўных "форумчан" і "каментатараў". Мы і надалей плануем карыстацца стандартнымі метадамі прасоўвання парталу, каб павялічваць колькасць і геаграфію наведвальнікаў. Дзякуй за вашу падтрымку, і мы чакаем ад вас прапаноў і ідэй! |
| < Папяр. | Наст. > |
|---|
