Прысутныя і выступоўцы вельмі станоўча ацанілі выданьне і патрэбу ў такой кніжцы, асабліва ўлічваючы антыбеларускую палітыку рэжыму і этнацыд на Бацькаўшчыне.

Зянон Пазьняк выступіў перад прысутнымі з развагамі пра каштоўнасьць нацыянальнай культуры ў сучасным сьвеце.

Сюрпрызам для аўтара былі цёплыя віншаваньні сяброў з нагоды ягонага 65-годдзя, чытаньне ягоных вершаў і сьпявапньне беларускіх песьняў у выкананьні малой дзяўчынкі Паўлінкі Падлескай (унучкі вядомага, сьветлай памяці, ветэрана БНФ Генадзя Банкевіча). Гучала таксама (у запісу) песьня-раманс Ігара Лучанка “Авэ-Марыя”, паводле верша Зянона “Гучаньне анельскага голасу”.

Прэзэнтацыя адбылася ў цёплай атмасфэры. Увогуле, беларусы вельмі любяць, каб усё было проста, шчыра і прыязна. Пампезнасьць і афіцыёз ім не ляжаць на душы. Дзеля гэтага трэба толькі, каб разам зьбіраліся свае і каб былі самы сабой. Тады – жыве Беларусь

Гэтую кнігу ў фармаце PDF Вы можаце спампаваць - Тут (573 кб)