Увечары сябры Беларускага Моладзевага Руху Амэрыкі пасьпелі адпачнуць ля вогнішча за размовамі на розныя тэмы, у тым ліку і пра беларускія справы. Сяброўская гаворка прадстаўнікоў маладога пакаленьня са старэйшымі беларусамі зацягнулася да позьняй ночы. Але ўжо раніцай наступнага дня моладзь вярнулася ў наш Сабор, што на Атлантык Авэню ў Брукліне, на сьвяточнае Багаслужэньне.

Запрашаем беларусаў, якія жывуць у Ню-Ёрку ды навакольлі далучацца да рэмонтных працаў, што вядуцца ў будынку штотыдзень у суботу, наведваць нядзельныя багаслужэньні ў Саборы, пачатак якіх - заўсёды а 10-й гадзіне раніцы, сачыць за мерапрыемствамі што ладзяцца Беларускім Музэем у Ню-Ёрку ды акцыямі, якія ладзіць Беларускі Моладзевы рух Амэрыкі.

Вялікі дзякуй усім, хто вылучыў свой выходны дзень, каб папрацаваць на карысьць Беларусі і нашай Сьвятыні – Сабору Сьвятога Кірылы Тураўскага!